Kodya Palembang dan sekitarnya
Periode 2011 - 2015
Penasehat : RSM. Hutagaol SH/br. Tambunan
: Pdt. DM. Hutagaol, STh/br. L. Tobing
: P. S. Manihuruk/br. Hutagaol
: H. Sinaga/br. Hutagaol
Ketua : Henry Hutagaol S.E., Ak/br. Sitorus
Wakil Ketua Bidang Sosial : P. Hutagaol BA/br. Siagian
Wakil Ketua Bidang Adat : F. Hutagaol/br. Sitorus
Sekretaris : M. Panjaitan/br. Hutagaol
Bendahara : P. Silitonga, SE.,MM/br. Hutagaol
Komisaris : M. Hutagaol/br. Simangunsong
Anggaran Dasar dohot Anggaran Rumah Tangga Punguan Pomparan Tuan Marruji Hutagaol dohot Boruna Sekodya Palembang dan Sekitarnya .
Denggan jala ture pardalanni punguan molo sude atur dibagasan ruhut-ruhut paraturan na dipature sude anggota nipunguan i. Alani i marsangkap do roha ni pomparan Tuan Marruji Hutagaol dohot Boruna na adong di Kota Palembang dohot nahumaliangna paturehon punguan on, gabe dibahen ma sada songon uhum namangarahut sada pambahenan namanghatindangkon goar ni punguan. Ima naginoaran Anggaran Dasar dohot Anggaran Rumah Tangga. Songon natarsurat di toru on.
HATA PATUJOLO
Horas ma di hita sude!
Parjolo ma tapasahat mauliate nirohanta tu Amanta Debata pardenggan basa, ala tangkas do godang nipasu-pasuNa dihita ganup Pomparan ni Ompu ta Tuan Marruji Hutagaol sian ari nasalpui sahat tu tingkion. Holong do namangkuling dihita Pomparan ni Ompunta Tuan Marruji Hutagaol dohot boruna ditano parserahan on alani naeng ma tontong marsada niroha hita jala togu holong ni roha i lumobi molo jumpang angka ulaon arsak niroha manang las niroha. Marhite i porlu sada punguan/wadah nalaho mengkoordinir sude pomparan ni Ompunta Tuan Marruji Hutagaol dohot boruna na adong di kota Palembanga dohot nahumaliang na asa masibotoan/masitandaan, masiurupan, masipodaan, jala masihilalaan.
Marhite i porlu ma antong adong ondolan dinamandalanhon punguan i asa denggan jala ture, alani i dibahen ma Anggaran Dasar dohot Anggaran Rumah Tangga on. Mauliate ma di sude anggota/ruas namangalehon tingki dohot roha nauli gabe boi tarpatupa Anggaran Dasar dohot Anggaran Rumah Tangga on, sai anggiat ma sude hita Pomparan ni Ompunta Tuan Marruji Hutagaol dohot boruna lam masihaholongan,masiurupan, masiantusan dohot masipasangapan, tatinggalhon ma angka nahurang denggan jala marsiadu ma hita paherbangkon punguanta on , songon hata niumpasa :
“Pago-pago taruge pauk-pauk hudali
Angka nasala nipauli, nadenggan diulahi”
Sai Tuhanta ma na sai tontong mangalehon holong, tiur ni pingkiran dohot pansarian dihita jala sai digomgom ma punguanta on asa songon nidok ni umpasa :
“Emeni simbolon parasaran ni siborok
Sai horas-horas ma punguanta on jala Debatama na marorot”
Botima
Poda :
1. Unang asahon nasa gogom, alai asahon ma angka tangiangmu, ai ido na mangalehon gogo nasumurung.
2. Hatahon ma natingkos dibagasan elek dohot serep ni roha, uang hatahon natingkos mardongan muruk manang asup-asup
3. Dang sae gogo ni suara paturehon angka na sala, holan dos ni roha do bonsir ni sude angka nauli
I. ANGGARAN DASAR (AD)
PASAL 1
GOAR NI PUNGUAN
Punguan on margoar : “PUNGUAN POMPARAN TUAN MARRUJI HUTAGAOL DOHOT BORUNA SEKODYA PALEMBANG SEKITARNA”.
PASAL 2
INGANAN NI PUNGUAN
Inganan ni Punguan on di Kotamadya Palembang dohot nahumaliangna.
PASAL 3
DASAR DOHOT OJAHAN
Dasar ni punguan on “ Holong na sian Tuhanta” Ojahan ni punguan on “Poda ni Ompunta si jolo-jolo tubu, ihuthonon jala pature-tureon ni hita naparpudi ima: “DALIHAN NA TOLU”PASAL 4
SANGKAP DOHOT TUJUAN
Pasangaphon Tuhan hombar tu agamanta be. Marsiurupan di arsak dohot las ni roha. Pahothon ruhut-ruhut ni paradaton. Songon sada parpunguan laho marsitandaan roha dohot keluarga di pomparan ni Ompunta Tuan Marruji Hutagaol dohot Boruna Sekodya Palembang dohot na humaliangna.PASAL 5.
HAK DOHOT KEWAJIBAN NI ANGGOTA.
1. Hak.
a) Marhak mandohoti sude ulaon/kegiatan ni punguan.
b) Marhak mamillit manang dipillit gabe pengurus.
c) Mangalehon roha dohot pingkiranna laho pasauthon sangkap dohot tujuan ni punguan.
2. Kewajiban.
a) Mangulahon angka na tarsurat di anggaran dasar dohot anggaran rumah tangga ni punguan.
b) Manggarar hepeng iuran dohot angka guguan natinolopan ni punguan.
c) Manungkoli pinguan marhite-hite sumbangan saran dohot kritik namarsifat konstruktif.
PASAL 6
STRUKTUR ORGANISASI
Penasehat
: RSM. Hutagaol SH/br. Tambunan
: Pdt. DM. Hutagaol, STh/br. L. Tobing
: P. S. Manihuruk/br. Hutagaol
: H. Sinaga/br. Hutagaol
Ketua : Henry Hutagaol S.E., Ak/br. Sitorus
Wakil Ketua Bidang Sosial : P. Hutagaol BA/br. Siagian
Wakil Ketua Bidang Adat : F. Hutagaol/br. Sitorus
Sekretaris : M. Panjaitan/br. Hutagaol
Bendahara : P. Silitonga, SE.,MM/br. Hutagaol
Komisaris : M. Hutagaol/br. Simangunsong
PASAL 7
TUGAS-TUGAS PENGURUS PUNGUAN DOHOT RAPOT PENGURUS
1. Penasehat martugas maniroi pengurus dohot angka anggota/ruas asa mambahen tu lam dengganna punguan.
2. Ketua martugas mangkoordinir disude kegiatan ni punguan jala manotophon keputusan-keputusan na bersifat urgent, mangaradoti ulaon napinamasa ni punguan dohot namasa diruas, mambahen uso-uso tu ruas na so unduk tu AD/ART on jala dalan maniroi asa gabe unduk tu aturan ni punguan.
3. Wakil Ketua Bidang Sosial martugas mambantu Ketua di bidang Sosial dan mewakili Ketua molo berhalangan.
4. Wakil Ketua Bidang Paradaton martugas membantu Ketua dibidang Paradaton dan mewakili Ketua molo berhalangan.
5. Sekretaris martugas melaksanakan fungsi-fungsi administrasi, keanggotaan dohot kegiatan-kegiatan ni punguan jala mewakili ketua molo berhalangan
6. Bendahara martugas melaksanakan administrasi parhepengon ni punguan, manimpan/mangaluarhon sian kas sesuai dohot aturan ni punguan jala naung tinolopanni ketua, mamboan kas ni punguan setiap adong pardomuan ni punguan jala mambahen ruji-ruji parartaon marhite parhepengon dohot pelaporanna
7. Komisaris martugas :
Pasahatton tu Ketua angka namasa di anggota/ruas Manampung usul ni anggota/ruas jala pasahatton di angka parrapoton Manorangkon tu anggota/ruas namardomu tu AD/ART Manogihon/maniroi tu angka Pomparan ni Ompu ta Tuan Marruji Hutagaol dohot borunaa so mandohoti punguan dope.8. Rapot Pengurus dipamasa sesuai dohot porluna.
PASAL 8
PARARTAON DOHOT PARHEPENGON.
Parartaon dohot parhepengon ni punguan marharoroan sian :
1. Hepeng iuran per bulan naung ni tolopan ni punguan.
2. Tumpak dohot sumbangan sian internal & eksternal ni punguan.
3. Usaha na asing naso maralo tu ojahan & sangkap ni punguan.
PASAL 9
ANGKA NA ASING
Angka na hurang/lobi di Anggaran Dasar on diatur jala dipahantus di Anggaran Rumah Tangga
II. ANGGARAN RUMAH TANGGA (ART)
PASAL 1.
ANGGOTA PUNGUAN
Anggota ni Punguan ima keluarga: Hutagaol dohot boruna naung patandahon dirina/mendaftar tu PUNGUAN POMPARAN TUAN MARRUJI HUTAGAOL DOHOT BORUNA SEKODYA PALEMBANG SEKITARNA.
PASAL 2.
TANGGUNGAN NI ANGGOTA
Ianakkon ni anggota naso hot ripe dope dohot ianakkon namangaranto tu Palembang jala naung melapor resmi tu pengurus ni punguan.
PASAL 3
KEWAJIBAN NI ANGGOTA
1. Manggarar iuran anggota Rp. 5.000,- tiap bulan tu bendahara (bagi anggota punguan yang ikut arisan).
2. Anggota ni punguan naso mandohoti arisan asa manggarar iuran tu Komisaris Wilayah masing-masing.
3. Manggarar tekken list molo masa sitaonon di anggota punguan naung ni tolopan ni pengurus.
PASAL 4
PARARTAON DOHOT PARHEPENGON
1. Hepeng na masuk sian iuran ni anggota.
2. Hepeng na masuk sian usaha na asing.
PASAL 5
HABOT NI ROHA/PARSORION
1. Molo anggota (Ama/Ina) namonding pasahaton ni punguan do pangurupion sian kas godangna Rp.300.000,- (tolu ratus ribu rupiah) jala dipadalan do take and less sian anggota/ruas jala dipasahat mai ditingki ro punguan Mangapuli/marhata togar-togar .
2. Molo anak/boru ni anggota na monding pasahaton ni punguan do pangurupion sian kas godangna Rp.300.000,- (tolu ratus ribu rupiah) jala dipadalan do take and less sian anggota/ruas jala dipasahat mai ditingki ro punguan mangapuli/marhata togar-togar
3. Natua-tua/simatua ni anggota na monding dijolona dipasahat punguan do pangurupion Rp.300.000,- (tolu ratus ribu rupiah). Jala dipadalan punguan do kantung ilu manetek ima take and less sian anggota/ruas, dipasahat mai ditingki ro punguan Mangapuli/marhata togar-togar
4. Natua-tua/simatua ni anggota na monding di Bonapasogit, ro do punguan mangapuli/marhata togar-togar jala dipasahat ma songon pangurupion godangna Rp.200.000,- (dua ratus ribu rupiah)
5. Sipanganon di ulaon Mangapuli/marhata togar-togar i sitanggungon ni sude anggota/ruas do i, ima : daging Sapi 2 Kg + kantang 1 Kg
6. Molo adong ditonga-tonga ni punguan namartinodohon kandung manang na marpariban kandung, anggaran rumah tangga marlaku dua hali; naparjolo dipatupa tu nasida namartinodohon jala dipasada disada inganan, napaduahon dipatupa tu nasida namarpariban jala tong ma dipasada di sada inganan (mardosniroha), Punguan patupahon pangurupion tu setiap keluarga sesuai hak dohot kewajibannya.
7. Namarsahit : di rawat inap/opname di rumah sakit 3 (tolu) ari manang lobi ro do punguan besuk jala pasahaton ni punguan do songon ganti ni buah godangna Rp.100.000,- (seratus ribu rupiah) sarupa do molo dirawat di tabib. Di angka partikkian dang sanga punguan membesuk tu rumah sakit, roma punguan tu tabagasna pasahatton songon ganti ni buah Rp.100.000,- (seratus ribu rupiah) Molo rawat inap/opname di luar Palembang, ro do punguan pasahatton ganti ni buah Rp.100.000,- (seratus ribu rupiah) tu bagasna dung mulak sian rumah sakit, jala namarsahit di jabu dipabotohon ma tu punguan/anggota jala masing- masing pribadi ro ma songon na mambesuk.
8. Ulaon besuk maksimal 3 (tolu) hali di pasahat anggaran rumah tangga tu sasahalak dibagasan sataon, molo pe sasahalak i lobi tolu hali opname dibagasan sataon punguan tetap do laho besuk alai dang mardalan be anggaran rumah tangga.
PASAL 6
MUSIBAH/BENCANA ALAM
Molo adong di tonga-tonga ni punguan na hona musibah, kebakaran, kebanjiran dohot angka bencana alam na asing, punguan laho mamangkulingi nasida jala mardalan ma kebijakan ni pengurus hombar tu kejadian na masa.PASAL 7
LAS NI ROHA
a) Sorang anak buhabaju, punguan mamoholi jala pasahathon pangganti kado berupa hepeng senilai Rp. 200.000,- (dua ratus ribu rupiah).
b) Sorang anak napaduahon dohot na satorusna, punguan mamoholi jala pasahathon pangganti kado berupa hepeng senilai Rp. 100.000,- (seratus ribu rupiah).
c) Molo anggota ni punguan pangolihon/pamulihon boru, punguan pasahathon ulos manang tumpak senilai Rp. 250.000 (dua ratus lima puluh ribu rupiah).
d) Molo adong anggota punguan pindah tu luat naasing di luar provinsi Sumsel, punguan laho paborhathon nasida jala pasahathon cindera mata senilai Rp. 100.000,-(seratus ribu rupiah.
e) Molo Anak mangoli : Punguan pasahathon tumpak Rp. 250.000 (dua ratus lima pulu ribu rupiah).
f) Molo Boru Muli : Punguan pasahathon Ulos seharga Rp. 250.000 (dua ratus lima pulu ribu rupiah).
g) Molo Bere/ibebere sohot : Punguan pasahathon Ulos seharga Rp. 250.000 (dua ratus lima pulu ribu rupiah).
PASAL 8
STRUKTUR KEPENGURUSAN
1. Penasehat
2. Pengurus Harian
PASAL 9
TUGAS/TANGGUNG JAWAB PENGURUS.
1. Penasehat martugas maniroi pengurus dohot angka anggota/ruas asa mambahen tu lam dengganna punguan.
2. Ketua martugas mangkoordinir disude kegiatan ni punguan jala manotophon keputusan-keputusan na bersifat urgent, mangaradoti ulaon napinamasa ni punguan dohot namasa diruas, mambahen uso-uso tu ruas na so unduk tu AD/ART on jala dalan maniroi asa gabe unduk tu aturan ni punguan.
3. Wakil Ketua Bidang Sosial martugas mambantu Ketua di bidang Sosial dan mewakili Ketua molo berhalangan.
4. Wakil Ketua Bidang Paradaton martugas membantu Ketua dibidang Paradaton dan mewakili Ketua molo berhalangan.
5. Sekretaris martugas melaksanakan fungsi-fungsi administrasi, keanggotaan dohot kegiatan-kegiatan ni punguan jala mewakili ketua molo berhalangan
6. Bendahara martugas melaksanakan administrasi parhepengon ni punguan, manimpan/mangaluarhon sian kas sesuai dohot aturan ni punguan jala naung tinolopanni ketua, mamboan kas ni punguan setiap adong pardomuan ni punguan jala mambahen ruji-ruji parartaon marhite parhepengon dohot pelaporanna
7. Komisaris martugas :
Pasahatton tu Ketua angka namasa di anggota/ruas Manampung usul ni anggota/ruas jala pasahatton di angka parrapoton Manorangkon tu anggota/ruas namardomu tu AD/ART Manogihon/maniroi tu angka Pomparan ni Ompu ta Tuan Marruji Hutagaol dohot borunaa so mandohoti punguan dope.PASAL 10
PERIODE KEPENGURUSAN
Pengurus lengkap dipilih anggota/musyawarah pengurus, lelengna sahali 4 (opat) taon.
PASAL 11
PELAKSANAAN ANGGARAN DASAR DAN ANGGARAN RUMAH TANGGA
AD/ART diulahon pengurus molo dipabotohon tu punguan/pangurus, jala naung dipenuhi angka kewajiban sebagai anggota ni punguan on.
PASAL 12
ATURAN TAMBAHAN
Molo naso tarsurat jala dang diatur dope dibagasan anggaran dasar dohot anggaran rumah tanggga , di atur jala ditontuhan di bagasan peraturan tarsandiri marondolan tu kebijakan ni pengurus ni punguan.
